Хабар

14 январи соли равон  бо иштироки ҷавонону омӯзгорон ва намояндагони мақомоти иҷроияи ҳокимияти давлатӣ  дар чор ноҳияи пойтахт 75 рӯзи ниҳолшинонии ҷавонон таҳти унвони «Дарахти дӯстӣ биншон, ки коми дил ба бор орад» доир гардид.  Тавре аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон  иттилоъ доданд,  дар  амалиёти мазкур дарахтони сояафкану ороишӣ шинонида шуданд.

Бо мақсади шарҳ додани Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар бо ибтикори мақомоти иҷроияи ҳокимияти далатии шаҳри Хуҷанд дар Коллеҷи тиббии шахр мулоқоти намояндагони сохторҳои илму дин ва сокинони маҳаллаи «Сари баландӣ» бо намояндагони ваколатдори Ҳукумати Ҷумҳурии Тоҷикистон доир гардид.

14 январи соли равон дар Муассисаи давлатии «Театри давлатии академии опера ва балети ба номи Садриддин Айнӣ»  ба муносибати таҷлили соли нави чинӣ барномаи фарҳангии «Базми баҳор» баргузор гардид.
Дар барномаи фарҳангии мазкур Оркестри миллии созҳои халқии Гуандуни Ҷумҳурии мардумии Чин ба шаҳрвандони муқими ин кишвар дар Тоҷикистон ва дӯстдорони санъату фарҳанги пурғановати кишвари ба мо дӯст ва ҳамсояи Чин мусиқиҳои фораму шуниданиро пешниҳод намуд.