Хабар

Шомгоҳон дар боғҳои фарҳангию фароғатии шаҳри Душанбе сайру гашти оммавии сокинону меҳмонони пойтахт ба назар мерасад.  Хурду калон дар ин ҷо сайру гашт намуда, аз табиати зебо ва дилфиреби Душанбе лаззат мебаранд.

Махсусан тамошои бозию шодии  кӯдакон диққати  касро ба худ ҷалб намуда, ин маконро боз ҳам бошукўҳтар мегардонад. 

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Узбекистон муҳтарам Шавкат Мирзиёев суҳбати телефонӣ анҷом доданд. 

Сарвари давлати мо Президенти Ҷумҳурии Узбекистонро ба муносибати зодрӯзашон самимона табрик гуфта, ба муҳтарам Шавкат Мирзиёев сиҳатмандӣ, хушбахтӣ, некӯаҳволӣ ва комёбиҳои нави азим дар татбиқи нақшаҳои давлатиашон ба нафъи мардуми бародари Узбекистон орзӯ намуданд.

Дар Осорхонаи миллии Тоҷикистон таҳти унвони «Ҳунар омӯз…» намоиши эҷодии ҳунармандони мардумӣ аз минтақаҳои гуногуни Тоҷикистон баргузор гардид, ки ҳадафи он муаррифии офаридаҳои ҳунармандон ва рушду эҳёи ҳунарҳои мардумӣ мебошад.