Хабар

Аз шаби гузашта инҷониб дар Тоҷикистон хокбориш «талотум» дорад ва он тамоми минтақаҳои ҷумҳуриро ғуборолуд намудааст. Бино ба маълумоти Агентии обуҳавошиносии Ҷумҳурии Тоҷикистон, ғубори чанголуд бо номи «боди афғонӣ» аз ҷониби Қазоқистон ва Сибир бошиддат вазида, бо сабаби ҳаракати зиддисиклони ғарбӣ аз Урал ҷумҳуриро фаро гирифтааст.

Дабири кулли Созмони Аҳдномаи амнияти дастаҷамъӣ Николай Бордюжа баъди мулоқот бо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳор дошт, ки сарҳади Тоҷикистону Афғонистон ба як барномаи ҳукуматӣ оид ба таҳкими он ниёз дорад. Ӯ таъкид кард, ки «Ин ба суботи кишварҳои мо таъсир мерасонад ва мо марзи миёни Тоҷикистон ва Афғонистонро ҳамчун пойгоҳи амнияти ҳамаи кишварҳои аъзои СААД баррасӣ менамоем».

 Бо ташаббуси филиали КВД «Маркази ҷумҳуриявии иттилоот ва тамоюли ҷавонон» дар ноҳияи Ёвон дар доираи лоиҳаи «Пешгирии бемориҳои сироятӣ дар байни ҷавонон» семинар доир гардид.
Дар семинар намояндагони маҳаллаҳо, шӯрои занон, ҷавонони касбҳои гуногуни ноҳия ва намояндагони мақомоти ҳифзи хуқуқ иштирок намуданд.