Хабар

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар ҷаласаи навбатии Шӯрои амнияти дастаҷамъии Созмони Аҳдномаи Амнияти Дастаҷамъӣ ба шаҳри Остонаи Ҷумҳурии Қазоқистон сафар карданд.

7 ноябри соли 2018 дар шаҳри Остона мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири навтаъйини корҳои хориҷии Ҷумҳурии Қирғизистон Чингиз Айдарбеков баргузор гардид.

Тавре аз Вазорати корҳои хориҷии Ҷумҳурии Тоҷикистон хабар доданд, дар ҷараёни вохӯрӣ маҷмӯи масъалаҳои дуҷониба ва рушду такомули минбаъдаи муносибатҳо, аз ҷумла дар бахшҳои иқтисодиву тиҷоратӣ, фарҳангиву гуманитарӣ, инчунин масоили сарҳадӣ мавриди баррасӣ қарор гирифт.