Хабар

Рӯзҳои 22-25 марти соли равон дар шаҳри Анқараи Ҷумҳурии Туркия намоишгоҳи сеюми байналмилалии «TRAVELEXPO ANKARA – 2018», яке аз муҳимтарин чорабиниҳои соҳаи туризм дар ин кишвар баргузор гардид. Дар Намоишгоҳ ширкатҳои пешбари туристӣ, агентиҳо, корхонаҳои давлатӣ, ширкатҳои хизматрасони соҳаи туризм аз кишвари иқомат ва чанде аз кишварҳои хориҷӣ ширкат варзиданд.

Ба иттилои Агентии обуҳавошиносии Тоҷикистон, имрӯз дар ҷумҳурӣ ҳавои тағйирёбандаи абрнок шуда, дар водиҳо борон ва дар ноҳияҳои кӯҳӣ боридани барф дар назар аст.

Имрӯз, 28 март дар вилояти Суғд ҳаво абрноки боронӣ шуда, дар баландиҳои 2500 м боридани барф дар назар аст. Шамол аз самти ғарб 4-9  метр дар як сония мевазад. Ҳаво дар водиҳо шабона 8-13 ва рӯзона 17-22 дараҷа гарм хоҳад шуд.

26 марти соли 2018 дар ҳошияи Конфронси Тошканд оид ба Афғонистон зери унвони «Раванди сулҳ, ҳамкорӣ дар бахши амният ва  мушорикати минтақавӣ» вохӯрии вазирони корҳои хориҷии кишварҳои Осиёи Марказӣ ва Намояндаи Олии Иттиҳоди Аврупо оид ба корҳои хориҷӣ ва сиёсати амниятӣ Федерика Могерини дар сиғаи Осиёи Марказӣ ва Иттиҳоди Аврупо  баргузор гардид.