Хабар

Имрӯз дар қаламрави кишвар ҳавои тағйирёбандаи бебориш ва фаромадани туман пешгӯӣ мешавад. Вале дар баъзе минтақаҳо ва шоҳроҳҳои кӯҳӣ хавфи тармафароӣ ва сангрезӣ боқӣ мемонад.
Мувофиқи маълумоти мутахассисони Агентии обуҳавошиносии кишвар, имрӯз дар шаҳри Душанбе ҳаво тағйирёбандаи бебориш шуда, туман мефарояд. Ҳаво аз 4 то 6 дараҷа гарм мешавад.

Қодири Қосим, собиқ Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон дирӯз ба мақоми Раиси Федератсияи иттифоқҳои касабаи Тоҷикистон интихоб гардидааст.

Назар ба иттилои навбатдори ситоди ҳолатҳои фавқулода ва мудофиаи граждании ВМКБ Мансурхон Додихудоев, роҳи Душанбе-Хоруғ чаҳор рӯз ин ҷониб баста буда, кормандон кӯшиш доранд сари вақт роҳро тоза кунанд. «Зиёда аз 70 мошини мусофирбару боркаш дар роҳи мошингарди Душанбе-Хоруғ дармонда, мусофирон ба ноҳияи Ванҷ интиқол дода шудаанд. То кушода шудани роҳ онҳо дар хонаҳои сокинони деҳот мемонанд.