Хабар

Дар қисми шимолу ғарбии Ҷумҳурии Мардумии Чин се нафар ҷинояткорони бо корд мусаллаҳ ба гуруҳи одамон ҳамла кардаанд.

Ба иттилои расонаҳо дар натиҷаи ҳодиса, ки дар вилояти худмухтори Синзян Уйғур ба амал омадааст,  5 нафар ба ҳалокат расида, 5 каси дигар ҷароҳат бардоштаанд.

Имрӯз дар Маҷмааи давлатии «Кохи Борбад» мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарияту фаъолон ва масъулони соҳаҳои гуногуни мақомоти иҷроияи маҳаллии ҳокимияти давлатии шаҳри Душанбе баргузор шуд.

Ҳамватанони арҷманд!
Ҳозирини гиромӣ!

Ҳадафи мулоқоти мо бо шумо, вакилони мардумӣ, роҳбарону фаъолон ва намояндагони сокинони шаҳри Душанбе, ҳамчунин, аъзои Ҳукумати мамлакат, роҳбарони сохтору мақомоти назди Президент ва Ҳукумат, ташкилоту муассисаҳои ҷумҳуриявӣ, бонкҳои давлативу тиҷоратӣ ва соҳибкорону тоҷирон баррасии вазъи иқтисодиву иҷтимоӣ, мушкилоти мавҷудаи пойтахт ва дарёфти роҳҳои ҳалли онҳо мебошад.