Хабар

Ҳозиршавӣ дар интихоботи президентии Ӯзбекистон 87,83 дарсадро ташкил дод. Дар ин бора раиси Комиссияи марказии интихоботи Ҷумҳурии Ӯзбекистон Мирзо-Улуғбек Абдусаломов хабар дод.
Ҳамин тариқ, аз теъдоди умумии интихобкунандагон (20 миллиону 428 ҳазору 891 шаҳрванд) 17 миллиону 941 ҳазору 955 нафар шаҳрванд дар интихобот иштирок карданд.
Натиҷаҳои пешакии овоздиҳӣ имрӯз эълон хоҳанд шуд.

Имрӯз, 5 декабр дар ҷумҳурӣ ҳавои тағйирёбандаи бебориш дар назар дошта шудааст.
Тавре ба АМИТ «Ховар» аз Агентии обуҳавошиносии Тоҷикистон хабар доданд, 5 декабр дар қаламрави ҷумҳурӣ ҳаво гарм мешавад.
Бар асоси пешгӯии обуҳавошиносон, ҳарорати ҳаво дар Душанбе 12-14 дараҷа гарм шуда, вазидани шамол аз 2 то 7 метрро ташкил медиҳад.
Ҳаво дар Бадахшон то 6-8 дараҷа, Хатлон 14-16 дараҷа, Суғд 8-10 ва дар навоҳии тобеи марказ 12-14 дараҷа гарм хоҳад шуд.

Дар Қасри афсарони пойтахт дар ҳузури Раиси Комиссияи даъвати ҷумҳуриявӣ, муовини Сарвазири мамлакат Азим Иброҳим ҷаласаи ҷамъбастии ҷумҳуриявӣ оид ба ҷалби ҷавонон ба сафи Қувваҳои мусаллаҳ — Артиши кишвар баргузор гардид.