Хабар

Дирӯз дар Осорхонаи миллии Тоҷикистон бо ибтикори Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таҳти унвони «Пешвои миллат- асосгузори рушди соҳаи сайёҳӣ ва муаррифгари Тоҷикистони муосир дар арсаи байналмилалӣ» конфронси илмӣ- назариявӣ баргузор гардид.

Имрӯзҳо ҳунаромӯзӣ ва истеҳсоли матоъҳои гуногун дар марказҳои таълимӣ-истеҳсолии вилояти Суғд бомаром идома дошта, дар нуҳ моҳи соли равон занҳои ҳунарманди вилоят 18 ҳазору 386 метр матои атлас ва адрас истеҳсол карданд.
Аз миқдори умумии матоъҳои истеҳсолгардида бештар аз 9,5 ҳазор метри он ба фурӯш рафтааст.

Муовини вазири корҳои хориҷии Ҷумҳурии Тоҷикистон Музаффар Ҳусейнзода 11 октябр Сафири Ҷумҳурии Лаҳистон дар Ҷумҳурии Тоҷикистон (бо иқоматгоҳ дар шаҳри Тошканд) Петр Ивашкевичро ба ҳузур пазируфт.
Зимни мулоқот ҷонибҳо доир ба ҳолати кунунӣ ва дурнамои рушди муносибатҳои Тоҷикистону Лаҳистон ибрози андеша намуда, умедвории амиқро аз таҳкими минбаъдаи онҳо баён карданд.