Дар Театри давлатии академии опера ва балети ба номи Садриддин Айнӣ ва Консерваторияи миллии Тоҷикистон ба номи Талабхуҷа Сатторов даври ниҳоии Озмуни ҷумҳуриявии «Тоҷикистон-Ватани азизи ман» идома дорад.
Довталабон аз рӯи номинатсияҳои сарояндагӣ, композиторӣ ва навозандагӣ баромад менамоянд.
Даври ниҳоии озмун аз 25 то 30 сентябр идома ёфта, маросими ҷоизасупорӣ ва барномаи консертӣ бо иштироки ғолибони озмун 5 октябр дар Театри давлатии академии опера ва балети ба номи С.Айнӣ баргузор мегардад.