Хабар

Дастаи Тоҷикистон иборат аз 5 нафар 4 март ҷиҳати иштирок дар Бозиҳои зимистонаи паралимпӣ ба Ҷумҳурии Корея сафар кард.

Тавре аз Кумитаи миллии паралимпии Тоҷикистон хабар доданд, ҷумҳурии моро дар Бозиҳои зимистонаи паралимпӣ варзишгар Сиёвуш Илёсов намояндагӣ мекунад. Ӯ дар намуди лижаронӣ (кросс) қувва месанҷад.

15 марти соли 2018 Иҷлосияи чордаҳуми Маҷлиси вакилони халқи шаҳри Душанбе, даъвати панҷум  доир  мешавад. Дар ин бора қарори Раиси шаҳри Душанбе Рустами Эмомалӣ ба имзо расид.

Ба иттилои Агентии обуҳавошиносӣ, имрӯз дар қаламрави ҷумҳурӣ ҳавои тағйирёбандаи абрнок ва бебориш дар назар аст.

Имрӯз, 5 март дар вилояти Суғд ҳаво абрнок шуда, рӯзона дар баъзе ноҳияҳо фаромадани туман дар назар аст. Шамол аз самти шарқ 3-8  метр дар як сония мевазад. Ҳаво дар водиҳо шабона 3-8 дараҷа ва рӯзона 14-19 дараҷа гарм хоҳад шуд.