Хабар

Академияи илмҳои Ҷумҳурии Тоҷикистон тасмим гирифтааст, ки  8 декабри соли равон бахшида ба 190–солагии мутафаккири шаҳир Аҳмади Дониш таҳти унвони «Аҳмади Дониш ва хориқаи таърихии фарҳанги тоҷикон»  ҳамоиши илмӣ доир намояд. Дар ҳамоиши илмӣ се китоби тозанашр марбут ба ҳаёт ва осори Аҳмади Дониш рӯнамоӣ мегарданд.

Сурия пурра аз террористон озод карда шуда, тамоми гурӯҳҳои муташаккили «Давлати исломӣ» (дар Тоҷикистон мамнуъ) маҳв карда шуданд. Дар ин бора рӯзи чоршанбе сардори Ситоди кулли Қувваҳои мусаллаҳи Федератсияи Россия, генерали армия Валерий Герасимов дар брифинги солона барои атташеҳои ҳарбӣ хабар дод.

Дар мулоқот бо ҳайати кормандони корхонаи «Газ» дар Нижний Новгород Владимир Путин тасдиқ намуд, ки ният дорад номзадиашро дар интихоботи президентии соли 2018 пешбарӣ кунад.

Суханронии президенти Россияро шабакаи телевизионии «Россия 24» ва сомонаи «Вести.Ru» пахш намуданд.

Путин ба корхонаи мошинбарории Горковск барои табрики ҳайати кормандон бо 85-солагии ин корхона омада буд.