Аз 21 то 26 августи соли равон дар вилояти Суғд Ҳафтаи Рӯзҳои фарҳанги Вилояти Мухтори Кӯҳистони Бадахшон дар вилояти Суғд баргузор гардид. Тӯли як ҳафта зиёда аз 800 нафар зодагони Бадахшон дар вилояти Суғд фарҳанги мардуми кӯҳистонро намоиш доданд.
1 сентябри соли равон дар шаҳри Пекини Ҷумҳурии Халқии Хитой дар қароргоҳи Созмони Ҳамкории Шанхай Рӯзи фарҳанги Ҷумҳурии Тоҷикистон баргузор мегардад.
Тавре аз Вазорати фарҳанги Ҷумҳурии Тоҷикистон иттилоъ доданд, санъат ва фарҳанги тоҷикро дар СҲШ ансамбли рақсии «Ҷаҳоноро», инчунин ҳунарпешагон Ҳақназар Аловатов ва Фирдавс Ҳошимов муаррифӣ хоҳанд кард.
Дар шаҳри Душанбе Мусобиқаи байналмилалӣ оид ба теннис байни наврасон барои дарёфти Ҷоми Президенти Ҷумҳурии Тоҷикистон баргузор шуд. Бино ба иттилои сардовари мусобиқаи мазкур Абдурасул Муҳиддинов, дар мусобиқа наврасон аз Тоҷикистон, Қазоқистон, Қирғизистон, Ӯзбекистон, Россия, Украина, Ҷумҳурии Исломии Афғонистон ва Туркия иштирок намуданд.
Copyright © 2026,
Theme Originally Created by TVT