Хабар

Даштҳои ҳамвору роҳҳои пурпечу тоби кӯҳӣ, дарёчаву кӯли пур аз моҳӣ, ҳайвоноти нодир, расму суннатҳои ҷолиби халқҳои тоҷику қирғиз таваҷҷуҳи сайёҳони хориҷиро ба ин деҳаи дурафтодаи ноҳияи Мурғоб сол аз сол бештар ҷалб мекунанд. Инро ба назар гирифта, Ассотсиатсияи экологию фарҳангии Помир дар ин деҳа Маркази пазироии сайёҳон боз кард.

Нимаи дуюми моҳи август дар Душанбе ҳамоиши доираҳои соҳибкории Тоҷикистону музофоти Хайнани Ҷумҳурии Мардумии  Чин баргузор мегардад.

Аз Палатаи савдо ва саноати Ҷумҳурии Тоҷикистон ба АМИТ «Ховар» иттилоъ доданд, ки ҷиҳати иштирок дар ҳамоиш роҳбарону намояндагони 25 ширкати бонуфузи музофоти Хайнан, ки  дар соҳаҳои саноат, кишоварзӣ, туризм фаъолият доранд, ба  Тоҷикистон меоянд.

Муассисаи давлатии «Маркази ҷумҳуриявии илмии хун»-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон нақша дорад то охири соли 2017 шумораи  донорон ё хунсупорандагони ҷумҳуриро ба 50 ҳазор нафар расонад. Дар ин бора ба мухбири АМИТ «Ховар» аз Вазорати тандурустӣ ва ҳифзи иҷтимоии аҳолии ҶТ  хабар доданд.