Хабар

Панҷумин намоиши асарҳои тозаэҷоди рассоми ҷавон ва муваффақи тоҷик Далер Миҳтоҷов таҳти унвони «Гулбоғи Хайём» 17 декабри соли равон соати 15:00 дар Осорхонаи миллии Тоҷикистон баргузор мегардад.

Соли равон ҳаҷми истеҳсоли маҳсулоти кишоварзӣ дар шаҳри Ваҳдат 524 ҳазору 387 сомониро ташкил дод, ки нисбат ба ҳамин давраи соли гузашта 86 ҳазору 267 сомонӣ зиёд мебошад. Дар ин бора ба хабарнигори АМИТ «Ховар» сардори раёсати кишоварзии шаҳр Давлат Холиқов иттилоъ дод.

Дастаи «Ҳосилот»-и Фархор омодагиро ба бозиҳои плей-оффи Ҷоми Конфедератсияи футболи Осиё оғоз кард. 
«Ҳосилот»-и Фархор нахустин дастаи Тоҷикистон аст, ки барои мавсими футболи соли 2017 аз ҳама пеш ба тамринҳо фаро гирифта шуд, зеро «Ҳосилот» барои роҳхат ба бозиҳои гурӯҳии Ҷоми КФО 31 январ вохӯрии аввали худро дар сафар бо чемпиони Афғонистон- «Шоҳин Асмоӣ» барпо мекунад. Бозии ҷавобии дастаҳо дар шаҳри Душанбе 7 феврал доир хоҳад шуд.