Шоми имрӯз Президенти Федератсияи Россия Владимир Путин вориди пойтахти Тоҷикистон-шаҳри Душанбе гардид. Ӯ 28 сентябр дар ҷаласаи навбатии Шӯрои сарони давлатҳои аъзои Иттиҳоди Давлатҳои Мустақил /ИДМ/, ки дар шаҳри Душанбе бо иштироки сарони давлатҳои аъзои ин созмони бонуфуз доир мегардад, иштирок хоҳад кард.
Дар Фурудгоҳи байналмилалии Душанбе меҳмони олимақомро Сарвазири Ҷумҳурии Тоҷикистон Қоҳир Расулзода ва Раиси шаҳри Душанбе Рустами Эмомалӣ истиқбол намуданд.
Ёдовар мешавем, ки 28 сентябри соли ҷорӣ ҷаласаи навбатии Шӯрои сарони давлатҳои аъзои Иттиҳоди Давлатҳои Мустақил /ИДМ/ дар пойтахти Тоҷикистон-шаҳри Душанбе доир мегардад.
АМИТ «Ховар»