Хабар

Симпозиуми байналмилалии илмии «Арзишҳои таърихию фарҳангии замони Ҳаким Тирмизӣ ва нақши он дар тамаддуни ҷаҳонӣ» бахшида ба 1250-солагии зодрӯзи донишманд ва мутафаккири бузург Абӯабдулло Муҳаммад ибни Алӣ ибни Ҳусейн Ҳаким Тирмизӣ (755-869) имрӯз дар Академияи илмҳои Ҷумҳурии Тоҷикистон ба кори худ оғоз кард.
Президенти Академияи илмҳои Ҷумҳурии Тоҷикистон Фарҳод Раҳимӣ меҳмононро хайрамақдам гуфта, ба кори конфронс оғоз бахшид.

Ҳунарпешаи халқии Тоҷикистон, роҳбари Академияи мақоми Тоҷикистон Абдувалӣ Абдурашидов ва Ҳунарпешаи халқии Тоҷикистон Озода Ашӯрова дар Фестивали байналхалқии Шашмақом дар Исроил ширкат варзиданд. Дар ин бора аз Вазорати фарҳанги Ҷумҳурии Тоҷикистон иттилоъ доданд.

Бо фароҳам овардани муҳити мусоиди сармоягузорӣ соли равон ба иқтисодиёти вилояти Суғд ба маблағи 230,7 млн. доллари ИМА сармоягузории хориҷӣ ва 28,2 млн. доллари ИМА сармояи дохилӣ ҷалб гардид. Дар маҷмӯъ суръати афзоиш нисбат ба ҳамин давраи соли 2015, 123,8 фоизро ташкил дод. Дар ин бора аз Мақомоти иҷроияи ҳокимияти давлатии вилояти Суғд иттилоъ доданд.