Хабар

Гурӯҳи коршиносони барномаи «Мусоидат дар идоракунии сарҳадот дар Осиёи Марказӣ» (БОМКА) баҳри кӯмак расонидан дар беҳтар намудани реҷаҳои ҳаракат дар сарҳадоти маҳаллӣ дар Тоҷикистон ба Душанбе ташриф оварданд. Дар ин бора аз намояндагии Иттиҳоди Аврупо дар Тоҷикистон хабар доданд.
Бояд гуфт, ки барнома аз тарафи Иттиҳоди Аврупо (ИА) маблағгузорӣ шудааст.
Дар доираи барнома ҳамкорӣ байни сарҳадбонони маҳаллӣ, мақомоти маҳал ва ҳифзи ҳуқуқ дар сарҳад баррасӣ шуд.

Имрӯз дар Академияи илмҳои Ҷумҳурии Тоҷикистон ба муносибати 100-солагии Ҳунарманди халқии СССР, дорандаи Ҷоизаи давлатии СССР ва Ҷоизаи давлатии ба номи Рӯдакӣ Ғаффор Валаматзода конфронси байналмилалии илмии «Рақс ҳамчун падидаи муассир дар тамаддуни мардумони Осиёи Марказӣ: дирӯз ва имрӯз» баргузор гардид.

Вохўрии доираҳои соҳибкорони Ҷумҳурии Тоҷикистон ва кишвари Олтойи Федератсияи Русия дар мавриди густариши ҳамкории иқтисодию тиҷоратӣ пагоҳ, 22 ноябр дар намояндагии «Россотрудничество» баргузор мегардад. 
Ба ҳайати кишвари Олтой намояндагон ва роҳбарони Палатаи савдо ва саноати Олтой, ширкатҳои бонуфузи ин кишвар, аз қабили ҶДММ «Алкей», ҶДММ «СистемСервис», ҶСК «Торговый дом «Велес», ҶДММ «Одуванчик» ва дигар ширкатҳои маъруфи саноатӣ шомил мебошанд.