Хабар

Кумитаи ҳолатҳои фавқулода ва мудофиаи граждании Ҷумҳурии Тоҷикистон сокинон ва меҳмонони кишварро огоҳ мекунад, ки рӯзҳои 18-19-уми октябри соли равон дар қаламрави мамлакат ҳаво рӯ ба сардӣ меорад. Ба иттилои манбаъ, борони шиддатнок ва боди сард дар назар аст.

17-18-уми октябр ҷаласаи 28-уми байнидавлатии обуҳавошиносони Иттиҳоди давлатҳои мустақил (ИДМ) дар шаҳри Душанбе баргузор гардид. Ин навбат ҷаласа ба 90-солагии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон рост омад. Дар он намояндагон аз Русия, Қазоқистон, Қирғизистон, Ӯзбекистон, Туркманистон, Арманистон, Молдова, Беларус ва Украина иштирок ва вобаста ба муҳимтарин масъалаҳои соҳаи мазкур андешаронӣ намуданд.

Машварати шашуми вазирони маорифи давлатҳои аъзои Созмони ҳамкории Шанхай дар Душанбе баргузор мегардад. Тавре ки аз Вазорати маориф ва илми кишвар ба АМИТ «Ховар» хабар доданд, 19 октябр дар Донишгоҳи славянии Русия ва Тоҷикистон ҷаласаи гурӯҳи коршиносони доимии давлатҳои аъзои СҲШ дар соҳаи маориф доир мегардад.