Хабар

Ҳамватанони азиз!

Имсол барои мардуми куҳанбунёди тоҷик соли воқеан таърихӣ мебошад. Сокинони мамлакат муқаддастарин рӯйдоди давраи нави таърихи давлатдории миллӣ — биступанҷсолагии ба даст овардани истиқлолияти давлатиро ҳамчун рамзи озодӣ, шарафу номуси ватандорӣ ва нишонаи бақои давлат ҷашн гирифтанд.

 Имрӯз дар доираи сафари кории худ ба ноҳияи Мӯъминобод Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар расми ифтитоҳи бинои нави шуъбаи Кумитаи давлатии амнияти миллӣ иштирок карданд.

Баъди буридани лентаи рамзӣ Сарвари давлат муҳтарам Эмомалӣ Раҳмон бо сифати корҳои сохтмонӣ ва шароити корӣ дар бинои нав шинос шуданд.

Бино аз 3 ошиёна иборат буда, он бо маблағи 2 миллиону 154 ҳазор сомонӣ сохта шудааст.

Дар ноҳияи Муъминобод пас аз ифтитоҳи як қатор иншооти таъиноти гуногун Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолон ва сокинони ноҳия мулоқоту суҳбати самимӣ доир карданд.

Сарвари давлат Эмомалӣ Раҳмон фаъолияти ҳамаи бахшҳои хоҷагии халқи ноҳияро давоми 25 соли соҳибистиқлолии кишвар таҳлилу натиҷагирӣ намуда, барои идомаи тадбирҳо баҳри расидан ба ҳадафҳои созанда ба фаъолон дастуру ҳидоятҳо доданд.