Хабар

Бахшида ба Иди фитр Китобхонаи миллии Тоҷикистон тасмим гирифт ба муассисаи давлатии «Хонаи кӯдакон»-и № 1-и махсусгардонидашудаи Раёсати тандурустии шаҳри Душанбе туҳфаҳои хайриявӣ тақдим намояд.
Аз ин рӯ субҳи дирӯз гуруҳи кормандони Китобхонаи миллӣ бо сарварии Директори Китобхона, профессор Сайфиддин Назарзода ба муассисаи давлатии «Хонаи кӯдакон»-и № 1 рафта, туҳфаҳои хайрияивро ба тарбиятгирандагон супориданд.

Дирӯз дар қаламрави Тоҷикистон тақрибан соати 20:00 дақиқаи вақти маҳаллӣ заминҷунбӣ  ба амал омад.  Тибқи иттилои Академияи илмҳои Ҷумҳурии Тоҷикистон,  маркази зилзила дар  27- километрии шимолу шарқи маркази ноҳияи Рашт ва  165-километрии   шарқи Душанбе, дар ҳудуди деҳаи Чилдараи ноҳияи Сангвор  ба қайд гирифта шуд.
Қувваи зилзила дар маркази он 5 балро ташкил дода, дар шаҳри Душанбе қувваи он ба 2 бал баробар буд.

Мувофиқи пешгӯии ҳавошиносон давоми се-чор рӯзи наздик дар ҷумҳурӣ ҳавои софи бебориш дар назар дошта шуда, ҳарорати ҳаво то 43 дараҷа хоҳад расид.
Бинобар иттилои Агентии обуҳавошиносии Тоҷикистон, аз 3 то 6 июл дар  тамоми кишвар ҳавои соф пешгӯӣ шуда, баландтарин ҳарорат дар ин рӯзҳо  дар  минтақаи ҷанубии ҷумҳурӣ  дар назар дошта шудааст, ки  43 дараҷа  хоҳад шуд. Мизони поинтарин ҳарорат дар ВМКБ буда, интизор меравад то 33 дараҷа гарм шавад.