Хабар

Бонуи тоҷик сазовори Ҷоизаи «Беҳтарин зани ихтироъкор» гардид

Мояи ифтихори тоҷикистониён аст, ки дар Кореяи Ҷанубӣ  дар як озмуни ҷаҳонӣ Биҳамида Маҳкамова, устоди Донишгоҳи давлатии  тиббии Тоҷикистон ба номи Абуалӣ ибни Сино, номзади илмҳои кимиё ва тиб  барои ихтирои маводи зиддибактериявии   «Фитосуман» сазовори  Ҷоизаи «Беҳтарин зани ихтироъкор»  гардида,  бо ин навоварӣ  дар соҳаи тиб дар миёни 400 зан аз 25 кишвари дунё яке аз беҳтарин занони ихтироъкор дониста шуд.

Мулоқоти Пешвои миллат бо Роҳбари ширкати «Салини Импреҷило» ҷаноби Пиетро Салини

Имрӯз дар Қасри миллат Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчунин Роҳбари ширкати «Салини Импреҷило» ҷаноби Пиетро Салиниро ба ҳузур пазируфт.

Дар мулоқот масъалаҳои вобаста ба ҳамкории ҷониби Тоҷикистон бо Ширкати «Салини Импреҷило» дар соҳаи гидроэнергетика, хусусан ҳамкорӣ дар сохтмони Неругоҳи барқи обии Роғун баррасӣ шуд.

Мулоқоти Пешвои миллат бо ҳайати Шӯрои директорони иҷроияи Бонки аврупоии таҷдид ва рушд

Имрӯз Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Қасри миллат ҳайати Шӯрои директорони иҷроияи Бонки аврупоии таҷдид ва рушдро ба ҳузур пазируфт.
Президенти мамлакат Эмомалӣ Раҳмон аз сатҳи ҳамкории Тоҷикистон бо ин ташкилоти молиявӣ, ки солҳои охир зина ба зина густариш меёбад, изҳори қаноат карда, ташрифи ҳайати бонуфузи бонкро омили муҳими таҳкими робитаҳо маънидод намуд.

Страницы