Хабар

Тавре қаблан хабар дода  будем,  тибқи нақшаи  Мақомоти иҷроияи ҳокимияти давлатии шаҳри Душанбе   бахшида ба таҷлили Соли нави мелодӣ   имрӯз, соати 13:00 дар Сирки давлатии Тоҷикистон  намоиши кӯдаконаи солинавии «Шаҳри афсонаҳо»  баргузор мегардад.

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  доир ба вусъати корҳои ободонию навсозӣ  дирӯз дар пойтахт бо иштироки  Раиси шаҳри Душанбе  Рустами Эмомалӣ  навсозии як силсила иншооти коммуникатсионӣ оғоз гардид.

Ба иттилои Агентии обуҳавошиносии Тоҷикистон, имрӯз, 28 декабр дар баъзе ноҳияҳо шиддатёбии вазиши шамол аз самти шарқ ба мушоҳида расида, то 20-22 метр дар як сония мевазад. Дар бештари ноҳияҳо ҳавои офтобӣ дар назар аст.

Тибқи иттилои обуҳавошиносон, имрӯз дар вилояти Суғд ҳавои офтобӣ пешбинӣ шуда, туман мефарояд. Шамол аз самти шарқ 3-8 метр ва дар баъзе ноҳияҳо то 17-22 метр дар як сония мевазад. Ҳаво дар водиҳо шабона 1-6 ва рӯзона 5 дараҷа сард мешавад.