Хабар

 Дар яке аз калонтарин ноҳияҳои вилояти Суғд-ноҳияи Бобоҷон Ғафуров баҳри соҳибкасб намудани занону духтарони хонашин ва ба шуғли доимӣ фаро гирифтани онҳо корҳои назаррас анҷом дода шудаанд.
Дар айни замон дар ҷамоати шаҳраку деҳоти ноҳия 17 маркази дӯзандагӣ фаъолият доранд, ки дар онҳо зиёда аз 160 адад мошинаҳои дарздӯзӣ насб гардида, 200 нафар занон ба кори доимӣ ҷалб карда шудаанд.

Имрўз Сарвазири мамлакат Қоҳир Расулзода бо ҳамоҳангсози лоиҳаҳои Ширкати «Ходайз групп Индастрис» Радҷа Рамакришнан мулоқот намуд.
Дар вохўрӣ вазъ ва дурнамои ҳамкории гуногунҷанба байни Ҳукумати Ҷумҳурии Тоҷикистон ва ин ширкати бонуфузи Ҷумҳурии Ҳиндустон мавриди баррасӣ қарор дода шуд.

Рӯзҳои наздик дар Душанбе калонтарин сардхона ба фаъолият шурӯъ менамояд. Дар ин бора зимни нишасти хабарӣ имрӯз, 19 январ раиси Иттифоқи «Тоҷикматлубот» Ҳусайн Идиев иттилоъ дод.