Хабар

Дирӯз раиси Маҷлиси намояндагон Шукурҷон Зуҳуров сафири Ҷумҳурии Исломии Афғонистон Абдулғаффори Орзуро ба муносибати анҷомрасии ваколати дипломатияш дар Тоҷикистон ба ҳузур пазируфт.
Дар ҷараёни мулоқот бештар ба масъалаи тақвияти ҳамкории ду кишвари ҳамсарҳад таваҷҷӯҳ зоҳир карда шуд.

То  санаи 11 октябри соли равон дар ҳафт навоҳии пахтакори вилояти Суғд  83 ҳазору 181 тонна пахта ҷамъоварӣ шудааст, ки ба 81,73%-и дурнамо баробар аст.
Пешсафони маъракаи чиниши пахта дар вилоят -кишоварзони ноҳияҳои Зафаробод то имрӯз чиниши пахтаро 95,91%, н. Ҷ. Расулов   94,87%  ва ноҳияи Спитамен  88,41%  иҷро намудаанд.
Ҳамчунин то имрӯз беш аз 60 фоизи хочагиҳои деҳконӣ низ аз иҷрои дурнамо хабар доданд.

Даври якум ва дуюми озмуни  ҷумҳуриявии «Омӯзгори сол-2016» дар шаҳри Гулистон ба анҷом расид.

Тавре аз Хадамоти матбуоти вилояти Суғд  хабар доданд, даври якуми озмун дар муассисаҳои таълимӣ ҷамъбаст гардида, дар давраи дуюми озмуни шаҳрӣ омӯзгорон аз муассисаҳои таълимии шаҳр иштирок намуданд.

Ғолиби озмуни даври дуюм омӯзгори гимназияи ба номи академик Бобоҷон Ғафуров Раҳима Қодирова гардид.