Хабар

Баъди анҷоми маросими истиқболи гарму самимӣ Президенти Ҷумҳурии Тоҷикистон муҳтарам Эмомалӣ Раҳмон дар маркази ҷамоати деҳоти Сағирдашт бо гузоштани санги асос ва нома ба наслҳои оянда барои сохтмони муассисаи таҳсилоти миёнаи умумии рақами 2 бо 450 ҷойи нишаст дар як баст оғоз бахшиданд.

Лоиҳаи сохтмони муассиса аз ҷониби ташкилоти лоиҳакашии Ҷамъияти дорои масъулияти маҳдуди “Абрис” омода гардида, фармоишгар Вазорати маориф ва илми Ҷумҳурии Тоҷикистон мебошад.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз Намоишгоҳи дастовардҳои хоҷагии халқи ноҳияи Дарвоз бодид ба амал оварданд.

Дар намоишгоҳ намунаи ҳунарҳои дастиро, ки расму ойини аҷдодии мардуми кӯҳистонро таҷассум мекард, ба маъраз гузошта буданд.

Президенти Ҷумҳурии Тоҷикистон Эмомалӣ Раҳмон ба ҳунари волои занҳои кадбону, ки бо пухтани нонҳои лазиз машғул буданд, аҳсан гуфтанд.

Дар доираи сафари кории худ Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба водии Рашт як қатор иншооти истеҳсолию хизматрасониро мавриди баҳрабардорӣ қарор доданд.

Субҳи рӯзи 28-уми сентябр Президенти Ҷумҳурии Тоҷикистон Эмомалӣ Раҳмон ба ҷамоати деҳоти Сағирдашти ноҳияи Дарвози Вилояти Мухтори Кӯҳистони Бадахшон ташриф оварданд.