Хабар

Парлумони Тоҷикистон ояндаи наздик ба лоиҳаи Қонуни Ҷумҳурии Тоҷикистон «Дар бораи мақомоти амнияти миллии Ҷумҳурии Тоҷикистон» тағйиру иловаҳо ворид менамояд. Масъалаи мазкур 10 октябр дар ҷаласаи Шӯрои палатаи поёнии Парлумони мамлакат, ки таҳти раёсати Шукурҷон Зуҳуров, Раиси Маҷлиси намояндагони Маҷлиси Олии ҷумҳурӣ доир гардид, баррасӣ шуд.

Ҳайати кормандони Маркази «Тоҷикшиносӣ» ва Шуъбаи тарғиб ва баргузории чорабиниҳои фарҳангии Китобхонаи миллии Тоҷикистон (КМТ) ба мактабҳои таҳсилоти миёнаи умумии № 54, № 44 ва № 62-и пойтахт рафта, дар доираи барномаи ҷалби хонандагон ба китобу китобхона бо хонандагони ин мактабҳо суҳбатҳо доир намуданд.

Дар асоси фармони Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон (ҚМҶТ), имрӯз дар ноҳияи Тоҷикобод 10 нафар ҷавонон ихтиёран ба комиссариати ҳарбӣ омада, омодагии худро барои хизмат ба Ватан- модар баён доштанд.