Хабар

Соли равон дар ноҳияи Спитамен аз ҳисоби буҷаи маҳалии ноҳиявӣ барои рушди соҳаи маориф 30 млн 910 ҳазор сомонӣ равона карда мешавад.
Дар иҷлосияи ҳаштуми маҷлиси вакилони халқии ноҳия барои соли 2017 лоиҳаи буҷети маҳаллии ноҳия бо назардошти хароҷот дар ҳаҷми 46 миллиону 970 ҳазор сомонӣ қабул гардид, ки он нисбат ба соли 2016 6,1 фоиз афзудааст.

Мутахассисони Агентии обуҳавошиносӣ ба сокинони кишвар то охири ҳафта аз ҳавои бебориш ва баландшавии ҳарорати ҳаво хабар медиҳанд. Ба иттилои манбаъ, дар ин рӯзҳо дар ҷумҳурӣ ҳавои тағйирёбандаи бебоориш шуда, дар баъзе минтақаҳо фаромадани туман дар назар дошта шудааст.
Имрӯз дар пойтахти кишвар ҳаво тағйирёбанда ва бебориш мешавад. Шамол аз самти ғарб бо суръати аз 3 то 8 метр дар як сония мевазад. Ҳаво аз 8 то 10 дараҷа гарм мешавад.

Вазири корҳои хориҷии Ҷумҳурии Тоҷикистон Сироҷидин Аслов Сафири Фавқулода ва Мухтори Иёлоти Муттаҳидаи Амрико (ИМА) дар Тоҷикистон Элизабет Миллардро 4 декабр ба ҳузур пазируфт.
«Зимни дидор ҷонибҳо сатҳи кунунии муносибатҳои Тоҷикистону ИМА-ро дар самтҳои мавриди таваҷҷуҳ баррасӣ карда, роҷеъ ба масоили ҳамкории минтақавӣ ибрози назар намуданд», — хабар доданд аз Вазорати корҳои хориҷии Ҷумҳурии Тоҷикистон.

АМИТ «Ховар»