Хабар

Дирӯз, 1 ноябри соли равон бо ибтикори факултети филология ва Кумитаи иҷроияи ибтидоии ҳизбии «Дониш»-и Донишгоҳи миллии Тоҷикистон бахшида ба Рӯзи Конститутсияи Ҷумҳурии Тоҷикистон зери унвони «Конститутсия- танзимкунандаи ҳаёти сиёсӣ ва ҳуқуқии миллат» ҷамъомад доир гардид.
Дар ин бора аз Кумитаи иҷроияи ибтидоии «Дониш» — и Кумитаи иҷроияи ҲХДТ дар ноҳияи Шоҳмансур хабар доданд.

Минбаъд шахсе корманди мақомоти амнияти миллии Ҷумҳурии Тоҷикистон шуда метавонад, ки танҳо шаҳрванди Ҷумҳурии Тоҷикистон бошад ва забони давлатиро донад. Дар робита ба ин масъала 2 ноябр вакилони Парлумони Тоҷикистон ба лоиҳаи Қонуни Ҷумҳурии Тоҷикистон «Дар бораи мақомоти амнияти миллии Ҷумҳурии Тоҷикистон» тағйиру иловаҳо ворид намуданд.

Артиши Туркия рӯзи сешанбе ба ҷой кардани мошинҳои зиреҳпӯш ва дигар техникаҳои ҳарбӣ дар деҳаи Силопии музофоти Ширнак дар наздикии марзи Ироқ шурӯъ кард. Дар ин бора Интерфакс бо истинод ба шабакаи телевизионии «CNN Turk» хабар медиҳад. Чанде пеш вазири корҳои хориҷии ин кишвар Мавлуд Човушоғлу эҳтимолияти гузаронидани амалиёти заминиро бар зидди террористон дар шимоли Ироқ, дар сурати сар задани таҳдид ба амнияти Туркия истисно накард.