Хабар

Дар ҷамъбасти олимпиадаи байналмилалӣ аз фанни математика, ки имсол дар кишвари Руминия баргузор шуд, Тоҷикистон ҷои ҳафтумро ишғол карда, аз ҷиҳати иштирок ва сазовор шудани ҷойҳо дар олимпиадаҳои байналмилалӣ ба даҳгонаи аввали кишварҳои ҷаҳон ворид шуд. Дар ин бора имрӯз Вазири маориф ва илми Ҷумҳурии Тоҷкистон Нуриддин Саид зимни нишасти матбуотии ин ниҳод хабар дод.

Вазъи робитаҳои иқтисодӣ ва дурнамои рушди ҳамкории иқтисодию тиҷоратӣ байни ду кишвар аз мавзӯъҳое буданд, ки дар мулоқоти вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бо Сафири Фавқулода ва Мухтори Ҷумҳурии Украина дар Ҷумҳурии Тоҷикистон Виктор Никитюк мавриди баррасӣ қарор гирифтанд.

Имсол ба барномаи таълимии синфҳои 8 ва 9 омӯзиши пурраи Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ворид карда мешавад. Ин нуктаро имрӯз Нуриддин Саид, Вазири маориф ва илми кишвар зимни нишасти хабарӣ бо рӯзноманигорон иброз дошт.